Xenofobia eta Arrazakeriaren kontrako Nazioarteko Eguna:
Frantses eta espainiar estatuen migratzaileen polítikari ez!

Datorren martxoaren 21ean xenofobia eta arrazakeriaren kontrako nazioarteko eguna ospatuko da. Beste deialdi batzuetan egin dugun bezalaxe, fenomeno hauen kontra borrokatzen dugun mundu osoko zein EHko eragile eta kolektiboentzat, arrazakeria eta xenofobiaren adierazle nagusienenetarikoak diren atzerritarren politika instituzional autoritario, sexista eta murriztaileak salatzeko eguna izango da. Izan ere, politika horiek pertsona migratzaile edota errefuxiatuen eskubideak ukatzen dituzte. Aldarrikapen hau ez bada kontuan hartzen, justizia, giza berdintasuna edota aniztasunaren aitorpenak ameskeriak besterik ez dira.

Munduko estatu eta erakunde erregional aberatsen eta boteretsuenek sustatutako politika hauek, politikoki eta kulturalki gutxituak diren EHa bezalako nazioen eskubideak urratzen dituzte. Izan ere, hain oinarrizkoak diren bizileku edo erresidentzia eta naziotasun eskubideak kudeatzeko gaitasuna soilik estatuen esku geratzen dira, lurraldean bizi garen herritarron eskuetatik at. Eskubide horiek gabe, herri honetako aldarrikapenak bertako lan eta giza harremanen alde, eta azken finean, autodeterminazioaren alde, ezinezkoak dira.

Gainera, politika horiek eta horien ondorioak oso larriak dira une honetan, estatu horiek eta kapitalaren elite horiek eragin duten ekonomia krisi honetan murgilduta gaudenean. Europar Batasunak onartutako “Itzuleraren” edo “Lotsaren zuzentaraua”-ren ondorio latzez gain, aurten Euskal Herrian, gai honetan, gure eskubideetan zanpateko bikoitza pairatuko dugu. Batetik Estatu espainiarraren “atzerritarren legearen”ren erreforma eta bestetik Estatu Frantsesaren “beloaren legea” xenofoboaren erreforma. Hau guztiari gehitu behar zaio gure herrian bertan, urrunago joan gabe, Hendaiako Atxikitze Zentroarekin eta Irungo komisaldegiak betetzen duen funtzarekin, atxiloketa eta kanporaketa gunez gisa, estatuek errepresioaren bidean eman duten urrats lotsagarria. Errepresio bide honen diseinua, zalantzarik gabe, gailur franko-espainoletan adosten delarik.

Hau dela eta, aurtengo mobilizazioak izaera berezia dauka, zeren aurten, lehenengo aldiz, herri honetako Iparralde zein Hegoaldeko eragileok, estatuek inposatutako mugaren gainetik, arlo honetan ere gue borroka eta gure aldarrikapenak batu bait ditugu.

Pentsatzen dugu, gure herrian irekita dauden beste borroka eremu batzuetan bezala, honetan ere, herri gisa erantzun argia, irmoa, eta bateratua eman beharko genukeela. Euskal Herrian eta mundu osoan ere, eskubide horiek aitortzeko, eta bermatzeko eta horien kontrako urraketak salatzeko lanean gauden gizarte, sindikatu, eta kultura-eragileek erantzuteko ordua da.

Erronka honek ekimena zabaltzea izango litzateke, bai babesa ematen diguten migratzaile gehiengoari baita ere gehiengo sindikal eta sozialari, horiek baitira giza justiziaren aldaketaren eta herri honen askatasunaren bultzatzaile.

Martxa honekin salaketa hirukoitz bat irudikatu nahi dugu:

Barneratze Zentroa (Centre de Rétention): Pertsona migratzaileen eskubideen urraketaren paradigma. Barneratze eufemismoaren atzean benetazko Guantanamoak izkutatzen dira, pertsonei askatasuna kentzen zaiela inongo berme juridikorik gabe.

- Muga: Muga hau inposaketa bat da eta Euskal Herrian bizi garen guztiok atzerritar egiten gaitu.

- Irungo polizia espainolaren komisaldegia: Punto hau ere estrategikoa da estatu espainola politika murriztaileentzat eta, bertatik gauzatzen dira Europa Batasunetik kanpo etorritako migratzaileen kanporaketak.

Ikusi ibilbidearen planoa